Okavango deltasini «qum cho‘lidagi suv vohasi» deb atashadi. Cheksiz Kalaharining qoq markazida buyuk daryo o‘zining shu’balari, lagunalari va ko‘llarining g‘aroyib labirintini hosil qilib, ...hech qayerga qo‘shilmaydigan noyob deltani yuzaga keltiradi. O‘n olti ming kvadrat kilometrlik papirus chakalakzorlari va qalin butazorlar butun yil davomida son-sanoqsiz qushlar va hayvonlar uchun boshpana bo‘ladi. Bu yerda Afrika qit’asida yashovchi barcha hayvon turlarini uchratish mumkin. An’anaviy mahalliy qayiq – «mokoro»da egri-bugri irmoqlar bo‘ylab suzib o‘tayotganda, Afrikaning boshqa joylarida deyarli yo‘q bo‘lib ketgan suv antilopalari va gigenasimon itlarni kuzatishingiz mumkin. Pushti flamingolar va pelikanlar suruvlariga qoyil qoling, sayozlikda sho‘ng‘iyotgan o‘ynoqi begemotlarning burun tovushlarini tinglang. Qirg‘oqlar bo‘ylab ulug‘vor buqa, zebra va ko‘k gnu antilopalari podalari yaylovda o‘tlaydi. Suv ichish uchun yo‘g‘on jirafalar va qudratli fillar daryo bo‘yiga keladi. Yovvoyi tabiatning serobligi ko‘plab yirtqichlarni – shiddatli sherlar, tezkor gepardlar va nafis leopartlarni o‘ziga tortadi. Deltaning sharqiy qismida davlat qo‘riqxonasi – Moremi bog‘i joylashgan. Uning manzaralari o‘z xilma-xilligi bilan hayratga soladi: qamishzorlar akatsiyalar va mopan daraxtlari o‘rmonlariga almashadi, ularning ortidan esa cheksiz savannalar yastanib yotadi.