Ummonning qadimiy poytaxti, vohada joylashgan Nizva bugungi kunda ham minglab sayyohlarni o'ziga rom etadi. Qadimiyat ixlosmandlari bu yerga XVII asrning ulug'vor mudofaa inshooti — Nizva qal'asini va uning yonboshida joylashgan, mamlakatdagi eng qadimiylaridan biri hisoblangan Sulton Qobus masjidini ko'rish uchun tashrif buyurishadi. Shuningdek, bu yerdan o'zining kulol ustalari va qal'asi bilan mashhur bo'lgan afsonaviy Bahla qishlog'iga hamda mintaqaning qadimiy turmush tarzini o'rganish mumkin bo'lgan Al-Hamra shaharchasiga sayohatlar tashkil etiladi. Bundan tashqari, Nizva bozorlarida qo'lda ishlangan nafis oltin va kumush buyumlar xarid qilishingiz mumkin. Agar sizni inson qo'li bilan yaratilgan mo'jizalar emas, balki tabiatning ulug'vorligi ko'proq jalb etsa, 170 kilometrga cho'zilgan qumtepalar zanjiri – Vahiba sahrosiga yoki yumshoq iqlimi dehqonchilikka imkon beradigan, dovonlaridan qoyatosh manzaralarining hayratlanarli panoramalari ochiladigan «yashil» Al-Axdar tog'lariga yo'l oling.