Portugaliyaning janubiy sohilida joylashgan ushbu ajoyib kurort, okeanning zumrad suvlari, hashamatli yoyilgan palmalar va anʼanaviy Mavr uslubidagi oppoq mehmonxona majmualari bilan Algarviga oʻziga xos joziba bagʻishlaydi. Tarix va madaniyat bilan tanishing
• Algarvi mintaqasining markazi Faru shahrida buyuk geografik kashfiyotlar davriga bagʻishlangan Denizchi Genrix muzeyi joylashgan.
• Faru shahridan 66 km uzoqlikda, qadimiy manzaralar orasida mil. av. 1600-yilga oid Alkalar nekropolining ulugʻvor xarobalarini topishingiz mumkin.
• Faru shahrida XVI va XVIII asrlar orasida barpo etilgan goʻzal Avliyo Fransisk cherkovi qad rostlagan. Oʻyin-kulgi dunyosini kashf eting
Suv parklariga yoki nafis pushti flamingolar yashaydigan Ria-Formosa qoʻriqxonasiga tashrif buyurib, unutilmas vaqt oʻtkazing. Suv sportlariga beriling: suv changʻisida uchish, vindserfing, dayving yoki yelkanli sport bilan shugʻullaning. Qiziqarli baliq oviga boring yoki otda sayr qilib atrofni kashf eting. Ancha sokin hordiqni sevuvchilar uchun esa nafis golf maydonlari va tennis kortlari mavjud.